HER ALIBI

 (Heart on a window - From morguefile.com) 

Har waqt khaamosh rehna achha lagta hai,

Andar andar dehekte rehna achha lagta hai.

Mujhe yakeen hai ki woh bewafaa hai phir bhi,

Uska yun badalte rehna achha lagta hai.

Meri tamanna ka dar shaam bikhar kar,

Har subah sambhalte rehna achha lagta hai.

Usko milkar bhi na milne ka ehsaas,

Dil ka yun sisakte rehna achha lagta hai.

Sochkar ki shaayad woh bulaa le abhi bhi,

Chalte chalte palatte rehna achha lagta hai.

Mujhse milkar aksar uska sharmakar,

Kehte Kehte hichakte rehna achha lagta hai.

Chaand bankar mere yaadon ke chaman mein,

Uska yun nikalte rehna achha lagta hai.

Ishq ke sailaab ka mujhse bichhardne ka gham,

Saahil pe aake ataktne rehna achha lagta hai.

Dil mein thehri aahon ka naasoor bankar,

Katra katra riste rehna achha lagta hai.

Bahut muddat hui hamen saath chalte huye,

Tera phir bhi ajnabi kehna achha lagta hai.

Sometimes the only regret

is the failure to forget...

Sometimes the only gift

is the gift of a good memory...